بلتی قصیدہ 3 شعبان
کلام : صباؔ
 |
| Balti Qasida imam Hussain a.s |
درینگ سبط نبیؐ سکیانہ سنہ خنم چوقلہ زینگ زنگ سونگ
شکر یا شزدیچن دخپو درینگ شیعونگ کھومی غدینگ سونگ
لزہ گویکہ سکیس زیرے کھریلے بدر جوسے ہلال گوانہ
نیمی غبیل پومنے سکنگسے نیمے ژوخ لیگی سنگ سنگ سونگ
فیغی رگوسلسبیلی چھویکہ ہلژنگ دق گوانا اخضر لا
ایشین دوقسے سلا بویک خسمس فراتی کھور دے منگ سونگ
اپوچوے امتی نسپونگ لہ بخشش کھیونگفی ژھوخچیس پو
تھونید نا شافع روز جزائی مکپو سنگ سنگ سونگ
لینے دے ہلژخمہ رگیلمو فاطمیؑ فنگمینگنہ یاسینیؑ
حسینؑ کھور بانہ قرآنی دے سنینگپوے سنینگپو فنگ گنگ سونگ
درینگ شیعونگ لہ خپونگ ہرژیسں اونگنہ چنگ نیس مید خدا چھیجبی
کھوری شزدے کھہ فطروس دونگ کھیونین شوق ہرژیس خنمینگینگ سونگ
کھرغی رگیم ژھو ینگنو لق ہرکینگ تنگسے یانی کربلائیکہ
بہشت ہسکے اپوچو نہ ببی امت لہ کنگ ہرکینگ سونگ
نیا سکومفو ایتو اونگسینہ حشری جقلہ لے رگیلفو
یدنگ سکومسین چھومبجسپو نیا شیعونگ لہ ہرکن بنگ سونگ
یتی میکہ ژھیگین سنینگپو میگی خلوکفی چھیمی قطرونگ
مے منگلہ فیونگفہ ژوخ شیعونگ لہ کھوق کھولی بجید پلہ چھنگ سونگ
یری ندپہ بوچوے فیا یوق نظر شزدے صبائیکہؔ
یری غدینگ یود پی نی سنینگپو توسی زبینگ سیرکنی ژھنگ سونگ
*****
0 Comments