*😭نوہڑژک😭*إِنَّا لِلّهِ وَإِنَّـا إِلَيْهِ رَاجِعونَ 🤲💔😭
 |
| Khawaja Ali Kazim |
کوسے یانگ گیور زیرے، سنینگپو ژھگین یود لے علی کاظم😭
سنینگی نوین یود میگی مکچھو خلوگین یود لے علی کاظم😭
نجف نا کربلائی سترانگبونی ہڑژیس پو یری سکد پو
درونگسہ بڑقشنگی بزویکھا کھورین یود لے علی کاظم😭
علیّ اکبری نوحو زیرینہ کربلائینگنو
ندنگ درولفی دے لم گنگمہ سی نوین یود لے علی کاظم😭
لینے دوکتوک دوسے یانگ حضرت عباسی فنگمینگ نو
نلا یری نوحہ زیربی سکد پو کوین یود لے علی کاظم😭
سکینہ زیرفی نوہڑژک پو یری سکد پونہ بیورسید پہ
تہ ینگ دی سکد پو نام کویک خسمسے شین یود لے علی کاظم😭
مے تنگسے سونگسا یانگی تا یری ہرنین دون کنی سنینگلا
یری خسمبینگنو گنگمے سنینگ پو جوین یود لے علی کاظم😭
علی کاظم گیرے پغزی یری ترسنارے ننگمیونگی
چی زیر خسمسے نیا منگمو ژھیرین یود لے علی کاظم😭
چی بیس لے ژھو! دینے گیگ زیربو سوی سنینگ گول لا سا میدپہ
نیا گنگمہ یری دومبینگ کھولین یود لے علی کاظم 😭
یری زیارت نہ لوقپی تھدکھو دومبینگ نو فسورو سونگفو
خسامین چی اطہری نوہڑژک چی ربئین یود لے علی کاظم😭
سیدسجاداطہرموسوی
جمعہ۱۵شعبان۱۴۴۶قم
0 Comments