بلتی مرثیہ اور نوحہ جناب مسلم ابن عقیلؑ

مرثیہ اور نوحہ جناب مسلم ابن عقیلؑ 

Balti marsiya and noha Muslim in Aqeel as

مرثیہ

مرثیہ نمبر 
1

مسلم لا مسلمان کنی غدونگ لزوقسینا کوفینگ بیعت بیاسے گیوخسے

شخص فیقلہ خرابہ مسجدینگ تھونگنو گا خسمسے ہائی دشمنی لقلا 

مہمان لا اینا برنگسہ متھوبفو کوسیدا سوا شوخص زیرے کھرینا

شخص طوعی زگوکھا برانگسہ ژالے دہ چہوسی ڑگیالفو ہائے دوقفہ فیقلا

زیرس انو برانگسہ  یودا بیسپہ لا بول وخ تھون فیوخنہ بیسینا

ینگلا حشرینگ برانگسہ می نوک نی زیزی زہراؑ روخ بیک دینے جقلا

شہرینگنو ہلینگ غلغلہ یود مینگنپو چی ان نا زیر لسپو چہ یودنا 

زیرس ان نا عقیلی میگی عود مسلم مظلوم بدید کھونی نا حقلا

تھوب برانگسہ نا اما اجلی فودے مہ تنگمہ سکورس یا نانی زگویکھا

ژھورسہ کوسہ نا دمسے تھونے دہ چھوسی رگیالفو تھون دشمنی لقلا

القصہ دی کھور بی خنمی گردشی سکورینا لوقپاری کھورینا

بوا ژھونثرے امیری فیاغی جنگمی دہ رسنپو تھون مسلمی فیقلا

زیرس نی اپوچو حمزہ نا جعفر خسونے یود نا چاگیگپہ دی لوکھپو

نا چیکچہ لوسے دشمنی لقپینگنو  اسیر گو ہائے ہائے نی شی جقلا

کاچوحسنؑ سبز قبا شوخص ہے دارونگسہ نی ستروقپو یو دی من

نی فونو ابو الفضل علیؑ ژھورفہ میدا چنگ نا ستور فودہ فیقلا

غدونگپو زگیورے کعبہ ینگنو دے بنگ فرین کلے تنگسے نوین بادصبا نا

زیرس کاچو حسینؑ لا نانہ رگل کھوانگلہ مشوخص زیر کوفی رولہ فیقلا

مرثیہ 
2

شا حسینیؑ نوہرژیک ینگ نو بیونگ کسل بین غوبرو

تہونمنہ کوفی یولینگ مسلم شہید سونگفی خپیرو

سکید پہ چقس لے فونو مسلم یانگ شہید بیاسپو کوسے

گوید یری بونگ رگے لغینگ یلفو خسمسے سنینگلہ میو

مسجدینگ شخفہ مکھیود پہ دشمنی زونمی جورینگ

برانگسہ طوعی ننگنو شخصا یانگ کہورے زگو زگو نا زگو

افسوس اینا ہے لے ککی نائب یری تقصیر چہ سونگ

دا رگی نا ردوا کھورے غبگیہ ہرمغی یانگ چیگچی بدو

لے میول ماسینگ سومید سونگفی نی نرفی اشی

چنگفی وخلہ چیونگ بیاسے دوکتوک بیونی من کھون نا خو

ہی یانی سی سکت زیرے نا یری روخلا متھون

یانگ کھری ہندوق کہیرے برفے وخلا رگو نا گو

یانگ شہید بیاسپو مژہد پہ فنگسے ہندوقنہ کھری

کنگمہ لا تنگسے رسن سترانگبو بازار سکوربا گو

بوالحسن رگیلفوے محب سومید سوگا کوفی یولینگ

یود زیرید فنگسے درونگ فقتو مگوا نی فونوی رگو

مرثیہ 
3

کہور جوخسی خنمی تھونفی ظلم مسلمی رگویکہا چہ زیروک نی دی ہلچیکھا 

برانگسہ متہوبا کوفہ پونی زونمی جورینگ شخص طوعی نانی زگویکھا

بیاس گرونپہ لہ عزت چہ دے ظالم کونی دمسے ظلمی دہ نہ ردویکھا

خنم سالا میتھقپی دینے ظالم چیگی ژھونچی تہون ہلژہمہ کہسویکھا

القصہ شہید بیا زونے کہیرس مسلم بیکس کھاری ہندوغیکہا

بیونید پہ کسل فیقلہ کہچیم منگمو ژھرینچہ نوین گرگو نہ غویکھا

تکفین بیاسے بیوس فقتو نہ مظلوم میوق فانگسے ہرژیسمید بیاسے سیکھا

اخ زیرنی توژیونگنی سی ببا زیرے نہ ژلنا نوین گرگو نہ غویکھا

نی رگویکھنا گو برفیسے کلسنا رے دمشقینگ ہرتخ زیرے یزید لا

نی رگویکھنا گونمو فودے کول شہر مدینینگ نی آغا حسینؑ لا

یا تمپو زیرے ژھنگمانا غدونگ بیاسے مدینینگ زیرس کاچو حسینؑ لا

کوفہ پی نہ لا چہیسے مشوخ لے میگی عود یانگ بیسہ لا عراقی

بلتی نوحہ جناب مسلم ابن عقیل

نوحہ 
1

کوفینگ نو سومیدیکہ شہید سونگفی بٰبا یو

شخمید نا ظلم نرفہ نیرے تھونفی بٰبا یو

ینگ سونگسے شہید سومنوسا خچسپہ بٰبا یو

ینگ فقتو بیا کھن سو ما سونگنہ خچسپہ بٰبا یو

یری ہلژہمہ غدونی کھراقپو کھروسے ہلتیکپہ بٰبا یو

ہری میندوغیکہ لقپہ سکورین نویکپہ بٰبا یو

بیاس سوسی شہید ہلژہمہ کھاسو خچسپہ بٰبا یو

بیا سینا دہ روب کوفہ پونی خچسپہ بٰبا یو

نی منگمو محمد پو نا ابرہیمی فیاقپو 

ملسہ چیگی کھا ینگنہ دریسے ستورسہ بٰبا یو

منگمو نا بیسے سترینگمو درینگ شید ہے بٰبا یو

منگمو نا بیسے لوسفی رگنوی مید ہے بٰبا یو

نوحہ 
2

بیونگ کسل سنینگ ژہرین ہرژیکچہ گرگو نہ غویکہا

لے سومید سونگفی نی مظلوم بٰبا

رہنما لا کہیرے کوفہ پونی یانگ

گاظلم ژھنگفی نی مظلوم بٰبا

سو نا نینگ یانگلہ برانگسہ مامین ما

مسجدینگ شخفی نی مظلوم بٰبا

گارسہ گوی لم مگوا طوعی زگویکہا

فغرہ مین زیرفی نی مظلوم بٰبا

ظلمی ژھر سکورینا ستقنہ ژوخ رگوا

ہی دہ رُوب بیسپی نی مظلوم بٰبا

سورگی کہورے سو ظلمی ردویکہا

یری کہسو گیور فی نی مظلوم بٰبا

فیقلہ انمید بیاسے چینگسے فیقلق 

مجلیسینگ کھیرفی نی مظلوم بٰبا

یری کھچیم کن لہ سو ہرنا مبیانا

خلونگنہ جو کلفی نی مظلوم ببٰا

یانگ شہید بیا کھری ہندوغیکہا

سر رگونا فیسپی نی مظلوم ببٰا

نوحہ 

3

کوفیان بیوفا  بر اولیاء

کردہ ظلم و جفا ستم بسے

کوفہ پی غدیانگپو ہلتوس خط ستونگ کلے

کہیرس    مدینینگنا    امام   بوسے

گیوقسے بورس فیاق دونو رینگچن بیاسے

جو کلہ ہلتیک نا سوملوس لزوق بیاسے

ہلتیک نا تھونگ ژھرسکورے کوفی ہرماغی

بیونگ  کسل    غدونگ    مدینینگ     بیاسے

بیونگ کسل مسلمی سنینگ غدینگ چہودے

فونو   نا    بربے    گوے     وخپو   شیسے

لے رسولی میگی عود رینگچن حسینؑ

کوفہ پی نا لہ مچھیس مشوخ نلا ہلتاسے

بید شہید نا درینگ ما یول مسینگ 

نی سومید دومبہ چن بونگ نا فیسے