بلتی قصیدہ امام حسن علیہ السلام
کلام نادم شگری
 |
| Balti qasida imam Hussain a.s |
محسن اشی تھدوک زیرے مدح حسنؑ زیرید
قربی نہ سوسی تھودسنہ خدا کھوے کھہ رن زیرید
بحرینی ڑگیمژھو چک پو علیؑ چک پو فاطمہؑ
نیسکوے شیدا نہ بیونگ می بیورو لاحسنؑ زیرید
یانگ نا اپوچو نا یری فونو ، ببا ، زیزی
سہ ، خنم حدیث کنینگ یتی برکت لا لدن زیرید
میونی بوژها می راف نہ ستروغی مینگ نا بیے دعونگ
نوینچہ یدانگ برینگ بورے بڑانگفا نہ ہرژن زیرید
قسمت مہ سونگ بقیع لا تھونے سو لا بوسہ بیے
تھقرینگ لا نا یری ایتو بین یانگ لالن زیرید
سنینگ پاره گوید کوسے یری چھنمو لا سونگفی پو
الماسیکھہ خیو رنگ گیورے یودپا بدن زیرید
نادمؔ لا لے خوجا خپیره زیر جوخ چہ شزدے بیوس
شزدے رے سونگنہ ڑدونی سا سترانگسے سخن زیرید
قصیدہ حضرت امام حسنؑ
کلام : شیخ غلام حسین مرحوم
 |
| Balti qasida imam hassan a.s |
حُبِّ حسن یود نہ سُولہ دارینی راحت اِنمَنہ
کھوئے نامہ اعمال پویں حَسنا عبادت اِنمَنہ
لولائ رگیلفوی سنینی تردود گالدنفو چکتوی گویہی تہود
عینِ خدائ میگی اوت یاری نجابت اِنمَنہ
ریحانہ ختمِ نبیؐ نَربا شاہِ وَفی
نجمِ سخائے ہاشمی فیقپوے کرامت اِنمَنہ
مید اونگفہ دنیادیں سُولہ تخسے حسنؑ یَرنہ خدا
یانگپہ حسن مید سُو پَنَہ یاری شرافت اِنمَنہ
جنّت پوے دُوگسے گوپا علمپوی مشکل کشاء
ہرژیس پو نَسی کھا اکتفاء بیاسپو قناعت اِنمَنہ
یاری سخاوت پو کوسے حاتم کھڑیلے سینگ جوکفہ سونگ
یانگ نقشہ یانے رحیم بحرِ سخاوت اِنمَنہ
اِن یانگ نشانِ شافعی لؤلؤ گنجِ عبادین
زین المنابر مسلمین کانِ سعادت اِنمَنہ
دنیادی غدینگ یودچُق سکیورے نا اونگس یری رگیزگو ژالے
نا ژون یری غدینگ مینگنو یود نی سنینگلا راحت اِنمَنہ
- Other balti qasida
1
محسن اشی تھدوک زیرے مدح حسنؑ زیرید
2
ستروقپو حسنؑ ابن علیؑ کھہ نا فدا بین رگین چہ یود
3
- YouTube
- Facebook page
- website Balti Lyrics
0 Comments