*در مدح حضرت زهرا*(س)
شوخص رگنوینگ یانگ اے گل جنت اعلی زھرا
فڑونموچن سونگ یانی گومبو ہرتنے دنیا زھرا
زیزی ستورفی ببالا شخصا لدنے نا انوی مل
یانگ رسولی میگی عود، ام ابیہا زھرا
مید پہ یانگ ژوخ پو بروی خسونلوکھی ڑگمژھوینگ نو درونگ
رنموچھے تھوبسے تھدین یود ستروغی دریا زھرا
غیر ذی زرع براھیمی سی تخسید پہ دونو
شخصے یانگ سونگ رگنوچن وادئ بطحا زھرا
خنمی شوقبوینگ نو یری منتخی ملسو گنگسے
تھدے یود آسیہ نا مریم عذرا زھرا
فشدپہ فیس یانی سی عنقای خپیرو لا میولینگ
گڑیم فغینگ یقسے سوسوے قامت طوبی زھرا
چھونہ ڑگیامژھونیکھا لق یود پی نی رینگچن ڑگیلمو
شیسی تھونگ چھوی مینے نوم چوک نیالا یا زھرا
ساقئ کوثری سنینگ تھد نہ خشولی ان یانگ ان
نیہ نوم چوک یری شیزدے ز تولا زھرا
یری شیزدے کھا قبول بیوس نی رگلوکھسی ژھربو
تھدنہ یانگ ہلژخمہ اشی تھدپو سہ چھدکھا زھرا
یتی ستودکھونگ ربسے نہ اطہری فچوین میندوغی ربم
یتی دشمن کنی کھا بید ھے تبرا زھرا
سیدسجاداطہرموسوی
۱۵جمادی الثانی۱۴۳۸ھ۔ق
){kind=link}
0 Comments